TƏLİM NƏTİCƏSİ 3
• Tematik ekskursiyalar nədir?
• Ekskursiyanın hazırlanması mərhələləri hansılardır?
3.1.1 QONAĞIN QARŞILANMASINI VƏ DAVRANIŞ QAYDALARINI MÜƏYYƏN EDİR
QONAĞIN QARŞILANMASI VƏ DAVRANIŞ QAYDALARI
Mehmanxananın nüfuzu əsasən insan amilindən asılıdır. Otelin interyeri nə qədər cazibədar
və mükəmməl olsa da, qonaqlara xidmət göstərən personalı olmadan faydasız bir məkana çevrilir. Qonaqlara göstərilən xidmətin “qızıl” qaydasına görə siz yüksək səviyyədə xidmət tələb edirsinizsə, qonaqlar da bu xidməti görmək arzusundadır.
Mehmanxana biznesində ilk öncə təəssürat satılır. Konsyerj heyəti üzvü hər bir qonağı isti qarşılamalıdır. Hətta qonaq yorulmuş və acıqlı olsa belə. Konsyerj bütöv iş növbəsi müddətində gülümsəməli, resepşına yaxınlaşan qonaqların ehtiyaclarını təxmin etməli və bütün problemləri sakit, başa düşən tərzdə həll etməlidir.
Müştəri ilə üz-üzə dayanmalı, adekvat göz təmasından istifadə etməli, qonağa istiqamət vermək üçün əl hərəkətlərindən istifadə etməli, gülümsəməlidir. Bədən dilinə daha yaxşı bələd olmaqla və onun necə başa düşülə biləcəyini anlamaqla, qonaqları daha asanlıqla başa düşə bilərik.
Danışmağa başlamazdan əvvəl üz ifadələrinin müsbət ton yaratdığından əmin olmalıdır. Üzünüzün ifadəsi ətrafdakı hamıya sizin sevincli və ya kədərli olmağınızı nümayiş etdirəcək. Müştəriləri sizin bugün pis əhval ruhiyyədə olmağınız maraqlandırmır - onların təsəvvüründə onlar sizin bugün üzləşdiyiniz ilk müştəridir. Danışmazdan əvvəl üzünüzdəki ifadənin müsbət əhval yaratmasını təmin edin.
Konsyerjin davranış tərzi, görünüşü və istifadə etdiyi dil qonaqlara mənfi və ya müsbət siqnallar göndərə bilər. O, öz fikirlərini savadlı və aydın surətdə ifadə etməyi bacarmalıdır. Nitqin həm də mədəniyyətinə, həm də tonuna həmişə diqqət etmək lazımdır. Nitq mədəniyyəti təkcə danışmaq bacarığının deyil, həm də dinləmək bacarığının olmasını nəzərdə tutur. Müsahibin sözünü kəsməyərək onu diqqətlə dinləmək və eyni zamanda müsahibədə səmimi iştirak etdirmək böyük məharətdir.