I. BUCAĞIN TƏNBÖLƏNİNİN QURULMASI
Bucağın tənböləni - bu bucağın təpə nöqtəsindən çıxıb
onu iki konqruyent bucağa bölən şüadır (şəkil 34).
Aşağıda verilmiş bucaqların tənböləni OD
şüasıdır. Hər bucaq üçün: ∠AOD = ∠BOD.
Şəkil 34-də OD-nin tənbölən olduğunu göstərmək üçün
alınan bucaqlar eyni sayda qövs işarəsi ilə göstərilib.
Bucağın tənbölənini pərgar və xətkeş vasitəsilə qurmaq
mümkündür. Pərgar və xətkeşlə bucağın tənbölənini qurmaq
üçün aşağıdakı alqoritmi icra edək:
1)
İxtiyari AOB bucağı çəkin (şəkil 35, a).
2)
Pərgarın iti ucunu O nöqtəsinə yerləşdirərək bucağın
tərəflərini
kəsən qövs çəkin (şəkil 35, b). Qövsün tərəflərlə
kəsişmə
nöqtələrini C və D ilə işarə edin.
3)
Pərgarın iti ucunu C nöqtəsində yerləşdirin və bucağın
daxilində
hər hansı radiuslu qövs çəkin (şəkil 35, c).
4)
Pərgarın ucları arasındakı məsafəni dəyişmədən iti ucunu
D nöqtəsində yerləşdirin və bucağın daxilində ikinci qövs
çəkin. Daxildə çəkilmiş qövslərin kəsişmə nöqtəsini E hərfi
ilə işarə edin (şəkil 35, d).
5)
O və E nöqtələrini xətkeş vasitəsilə birləşdirin.
Alınan OE
şüası AOB bucağının tənbölənidir (şəkil 35, e).