İki A və B hadisələrindən heç olmasa birinin baş verməsi bu hadisələrin
cəmi adlanır.
Eyni vaxtda baş verə bilməyən hadisələrə uyuşmayan hadisələr deyilir.
Uyuşmayan hadisələrin cəmi yəqin hadisədirsə, onlar bir-birini tamamlayan hadisələrdir.
Uyuşmayan A və B hadisələrinin cəminin ehtimalı A hadisəsinin ehtimalı ilə
B hadisəsinin ehtimalının cəminə bərabərdir:
P(A + B) = P(A) + P(B)
Bir-birini tamamlayan hadisələrin ehtimalları cəmi 1-ə bərabərdir.
MİSAL:
Fırlanma oxu hərəkətə gətirildikdən sonra sarı və ya qəhvəyi
rəngli hissədə dayanması hadisəsinin ehtimalını tapaq:
HƏLLİ:
Fırlanma oxunun sarı və ya qəhvəyi rəngli hissələrdə dayanması
hadisələri eyni vaxtda baş verə bilməz. Bu hadisələr uyuşmayan hadisələrdir.
Onda: P(qəhvəyi) =
1
8
və P(sarı) =
1
8
(nə üçün?) olduğundan fırlanma oxunun sarı və ya qəhvəyi rəngli hissədə dayanması
hadisəsinin ehtimalı:
P(sarı və qəhvəyi) =
1
8
+
1
8
=
2
8
=
1
4
= 0,25 olar.
Cavab: 0,25.
MİSAL:
Meteoroloqlar sabah yağış yağması hadisəsinin ehtimalının 0,3
olduğunu proqnoz edirlər. Yağış yağmaması hadisəsinin ehtimalı neçə
olar?
HƏLLİ:
Yağış yağması və ya yağmaması hadisələri bir-birini tamamlayan
hadisələrdir. Onların ehtimalları cəmi 1-ə bərabərdir.
P(yağış yağması) + P(yağış yağmaması) = 1
olduğundan:
0,3 + P(yağış yağmaması) = 1
P(yağış yağmaması) = 1-0,3
P(yağış yağmaması) = 0,7.
Cavab: 0,7.