Birhədlilərin cəmi və fərqi yeni bir anlayış yaradır.
Məsələn, 4x2y; -0,5xy2; 8, -3x birhədlilərinin cəmini:
4x2y + (-0,5xy2) + 8 + (-3x) şəklində yaza bilərik.
Birhədlilərin cəminə çoxhədli deyilir.
Çoxhədlini əmələ gətirən birhədlilər çoxhədlinin hədləri adlanır.
4x2y + (-0,5xy2) + 8 + (-3x) = 4x2y - 0,5xy2 + 8 - 3x çoxhədlidir. Onun hədləri 4x2y; -0,5xy2; 8 və -3x birhədliləridir. Bu çoxhədlinin dörd həddi var. Hədlərinin sayına görə çoxhədlilər birhədli, ikihədli, üçhədli və s. adlandırılır.
Hər bir həddi standart şəkildə olan və oxşar hədləri olmayan çoxhədliyə standart şəkilli çoxhədli deyilir. Çoxhədlini standart şəklə gətirmək üçün oxşar birhədliləri toplamaq (islah etmək) və hər bir həddini standart birhədli şəklində göstərmək lazımdır. Standart şəkilli çoxhədlidə hədlər ən böyük dərəcəli həddən ən kiçik dərəcəli həddə qədər azalan sıra ilə ardıcıllıqla düzülür.
Standart şəklə gətirilmiş çoxhədlidə iştirak edən ən yüksək dərəcəli birhədlinin dərəcəsinə çoxhədlinin dərəcəsi deyilir.
Çoxhədlidə iştirak edən sıfır dərəcəli birhədli sərbəst hədd adlanır.
9x7y - 6x5y2 + 4x3 - 8xy + 2 standart şəkildə yazılmış
çoxhədlidir.
Hədləri: 9x2y - 6x5y2, 4x3; -8xy; 2.
Dərəcəsi: 8. (9x7y1 birhədlisinin dərəcəsi: 7 + 1 = 8)
Əmsallar: 9; -6; 4; -8; 2.
Sərbəst hədd: 2.
Baş (birinci) əmsal: 9.