2. Qiymət: müştərilərin gəlir səviyyələri və məhsulun keyfiyyəti, prestij və s. haqqında istəkləri də nəzərə alınmaqla münasib olmalıdır;
3. Yer: məhsul əlçatan və tez əldə oluna bilməsi üçün istehlakçılara dəqiqliklə çatdırılmalıdır;
4. İstehsalat: istehlakçıya ötürülən ismarış elə olmalıdır ki, o, məhsulun keyfiyyəti, qiyməti, yeri, əldə olunma şərtləri və niyə başqa məhsulları yox, məhz sənin məhsulunu alması barəsində ətraflı məlumat alsın.
Seçmə tələb strategiyaları məhsulun rəqabət qabiliyyətli mövqeyini yüksəltmək üçün tətbiq edilir. Bu strategiyanın başlıca elementi bazarda iştirakdır. Seçmə tələb üçün strategiyalar mövcud müştərilərin əldə saxlanması və ya yenilərinin əldə edilməsi ilə həyata keçirilə bilər. Fərdi müştərilərin tərcihlərinə uyğunlaşmaq qabiliyyəti və arı məhsullarının keyfiyyətinə inam yaratmaq və gücləndirmək çox vacibdir. Məhsulun satışı zamanı da xüsusi diqqət çəkən məqamlar var. Belə ki məhsulların sabit keyfiyyət, eyni xüsusiyyətlər, forma, rəng, dad və ən əsası sabit qiyməti olmalıdır. Xarici görünüşü istehlakçının diqqətini cəlb etməlidir. Bu məqsədlə qabın üzərinə rəngli etiketlər də yapışdırıla bilər.
Müştərilər, həmçinin məhsulun rəng, forma və xarlama kimi görünən xüsusiyyətlərinə xüsusi diqqət yetirirlər. Arıçı bu sahədəki biliklərindən məharətlə istifadə etməlidir. Məsələn, bal məhsuluna diqqət yetirək: tərkibində yüksək qlükoza olan bal tez xarlayan bal növünə aiddir. Əgər bu cür bal əvvəlcədən alınıb bir müddət saxlanılandan sonra yeyiləcəksə, böyük kristallar yaranır ki, bu da istehlakçılar tərəfindən bəyənilmir. Bu cür balı başqa formalar, məsələn, krem bal formasında satmaq olar.
Müştəriləri əldə etmək üçün iki əsas strateji seçim var:
Birinci strategiya arıçının rəqibi ilə eyni faydanı təklif etməsi faktına əsaslanır, amma rəqabətdə məhsulun daha yüksək keyfiyyətini təmin etməklə üstünlük qazanır. Bu strategiyadan istifadə etməyin digər yolu reklam xərcləri, məhsulun əlçatan olması və daha sürətli çatdırılan olmasıdır. Bundan başqa, arıçılar qiymətqoyma strategiyası vasitəsi ilə də rəqabət apara bilərlər. İkinci strategiyada isə arıçı müxtəlif müştərilərin ehtiyaclarını qarşılamaq üçün müxtəlif məhsul növləri təklif etməklə özünü digər arıçılardan fərqləndirir.
Bir çox şirkətlərin rəhbərləri belə qənaətə gəliblər ki, mövcud müştərini əldə saxlamaq yeni müştəriləri axtarmaqdan daha mənfəətlidir. Marketinq mütəxəssislərinin qiymətləndirmələrinə görə yeni müştəriləri əldə etmək mövcud müştəriyə xidmət göstərməkdən beş dəfə baha başa gəlir. Bu cür marketinq strategiyası xüsusi diqqət tələb edir.